ҰСТАЗДАРДЫ ҰЛЫҚТАДЫ!

"Үлкендер жолы – ұлылық, ұрпағы жүрер ұғынып!» - дегендей өскелең ұрпаққа білім беруді өзіне кәсіп қана емес, өмірлік мәні қылған ардақты да қадірлі зейнеткер ұстаздарымызды Қазақстан Республикасы Оқу-ағарту министрінің алғыс хатымен марапаттады.

Қай заманда, қай қоғамда болмасын, баланы оқыту, оған тəрбие беру - ең ұлы мұрат, ұлағатты іс. Білім жүйесінің жаны да, жүрегі де, тірегі де - ұстаз. Білімді ұрпақ дайындау - ұстаздың абыройлы міндеттердің бірі болып қала береді. Ұрпақ тәрбиелеу жолындағы толымды еңбектеріңізге шын жүректен алғыс айтамыз.

Ардагер ұстаздарға: өн бойында ақыл мен парасат қатар үйлесім тапқан, өз биігінде әдемі қартаюдың үлгісін көрсетіп, жас ұстаздарға өмірден түйгенін, ақыл - кеңесін айтып, ел тұтқаларына ізгілік пен парасаттылықты ұстануға бағыт беріп жүрген зейнеткер ұстаздарға мектеп ұжымы алғысын айтып, дайындаған арнайы сый - сияпатын ұсынды.

Ардагер ұстаздардың алдағы күндеріне денсаулық, ұзақ ғұмыр тілейміз.